Эрүүл мэндийн яамнаас коронавирус өвчний халдварын нөхцөл байдлын талаар өнөөдрийн ээлжит мэдээллээ өглөө. Монгол Улсад коронавирус өвчний халдвар авсан 12 хүн бүртгэгдсэн бөгөөд тэдний хоёр нь эдгэрсэн талаар ХӨСҮТ-өөс мэдээлсэн юм.
ХӨСҮТ-ийн Ерөнхий захирал Д.Нямхүү "Коронавирусын халдвар авч, эмчлэгдэж буй хүмүүсээс эхний хоёр хүнийг эмнэлгээс гаргахаар болсон. Эдгээр хүмүүст сүүлийн гурав хоногт хийсэн таван зүйлийн сорьцонд вирус илрээгүй. Энэ хоёр хүнээ үргэлжлүүлэн 14 хоног тусгаарлаж, хянана” гэлээ.
Сэтгэгдэл үлдээх