Валютын ханш :

2021 оны 11 сарын 28, 0, Ням гараг

Билл Гэйтсийн охин Египетийн морин спортын тамирчинтай сүй тавьжээ

Дэлхийн тэргүүн баячуудын нэг Билл Гэйтсийн охин Женифэр Гэйтс өөртэйгээ ижил сонирхолтой Египетийн тамирчин Найел Нассартай сүй тавьснаа сошиал хуудсаараа зарлажээ.

Нассар нь олимпийн морин спортын тамирчин бөгөөд Египет улсын өмнөөс 2020 оны Токиогийн зуны олимпийн наадамд оролцох эрх аваад байгаа юм.

Женифэр Гэйтс нь мөн морин спортоор хичээллэдэг ажээ. Хосууд адилхан Стэнфордын их сургуульд суралцаж төгссөн юм байна.

 

Өнгөрсөн онд Гэйтсийн охин хэвлэлд ярихдаа “Морь бол бидний амьдралын нэг хэсэг. Бид энэ спортод хайртай. Тэр мэргэжлийн тамирчин бол би сонирхогч. Хосууд нэг ижил зүйлд хайртай, дуртай байна гэдэг гайхалтай” гэж ярьж байжээ.

Нассар өнгөрсөн оны аравдугаар сард болсон тэмцээнээс Египет улсад олимпийн эрх авсан юм. Сүүлийн 60 жилийн турш Египет улс энэ төрлөөр олимпийн эрх авч чадаагүй байжээ.

Тэрээр мөн сошиал хуудсандаа Женифэртэй авхуулсан зургаа нийтлээд “Тэр надад зөвшөөрлөө. Би өөрийгөө энэ дэлхийн хамгийн азтай, жаргалтай хүн мэтээр төсөөлж байна” гэж бичсэн байна.

Дэлхийн тэрбумтнуудын жагсаалтын хоёрдугаарт бичигддэг Билл Гэйтс хоёр охин, нэг хүүтэй. 23 настай Женифэр нь түүний ууган хүүхэд юм.

 

Эх сурвалж: CNN

Сэтгэгдэл үлдээх

Байнга шинэхэн мэдээлэл авах

Манай сайтад и-мейл хаягаа бүртгүүлснээр та цаг алдалгүй шинэхэн мэдээ мэдээлэл хүлээн авах боломжтой. Бид танд спам болон сурталчилгаа явуулахгүй болохыг нууцлалын бодлого хэсэгт тусгасан байгаа