Улсын драмын эрдмийн театрын жүжигчин, Уран бүтээлийн хэлтсийн дарга С.Болд-Эрдэнэ МУГЖ цолоор шагнууллаа.

Тэрбээр 1976 онд төрсөн бөгөөд тайз, дэлгэцийн жүжигчин юм. 1995-1999 онд СУИС-д жүжигчний мэргэжлээр суралцаж төгссөн. 2013 онд доктор, профессор С.Сугарын удирдлагад магистрын зэрэг хамгаалжээ. 2000 оноос УДЭТ-ын жүжигчнээр ажиллаж байгаад 2019 оноос одоог хүртэл Уран бүтээлийн хэлтсийн даргаар ажиллаж байгаа аж.

Г.Эрдэнэбилэг, С.Болд-Эрдэнэ, Г.Амгаланбаатар, Н.Наранбаатар тэргүүтэй уран бүтээлчид хамтран "Драмын дөрөв" хэмээх хамтлаг байгуулан дуулж, олны талархлыг хүлээж байв.

С.Болд-Эрдэнийн бүтээсэн дүрүүд:

• Парисын дарь эхийн сүм (2009) Квазимодо
• Шар тэнгисийн тарчлаан (2009) - Зайгуулынхан
• Би ч гэсэн жаргамаар байна (2010) - Нөхөр
• Оролмаа (2011) - Сандагдорж
• Ану хатан (2011) - Галдмаа баатар
• Цэцэрлэгт учирсан хоёр (2012) - Фёдор Кузмыч
• Гамлет (2013) - Гамлет
• Кихот ноён (2013) - Гахайчин
• Норовын намтар (2013) - Захирал
• Ромео Жульетта (2016) - Лоренцо лам
• Царцаа намжил (2017) - Номын багш
• Фауст (2018) - Фауст
• Бүсгүйн зурвас (2019) - Архай сайд
• Анна Каренина (2020) - Левин гэх мэт олон дүр бүтээжээ.